Nas súas orixes, a quimioterapia conseguía curar algúns pacientes de cancro intoxicándoos e levándoos ao bordo da morte. Co tempo, os investigadores lograron que a toxicidade dos tratamentos se centre máis nas células cancerosas e dane menos as células sas. O invento que mereceu este ano o premio na categoría de investigación foi a tecnoloxía desenvolvida por Patrick Couvreur e o seu equipo na Universidade París Sur e o Centro Nacional de Investigacións Científicas para crear nanomísiles teledirixidos contra o cancro.
Os investigadores franceses lograron empaquetar os fármacos dentro de cápsulas diminutas (70 veces menores que un glóbulo vermello) e biodegradables que permiten transportalos a través do torrente sanguíneo de forma segura ata que chegan ao seu obxectivo. Segundo explica a EPO, este enfoque minimiza o dano provocado polo medicamento no tecido san e permite aplicar doses maiores de forma localizada que poden incrementar ata dez veces a eficacia da quimioterapia. O mercado deste tipo de produtos estímase en máis de 55.000 millóns de euros ao ano.
No hay comentarios:
Publicar un comentario